Málþing um heilbrigðiseftirlit á Íslandi - upptaka

Málþing um heilbrigðiseftirlit á Íslandi var haldið í Norræna húsinu í gær þann 21. október. FHU stóð að málþinginu í samstarfi við Félag íslenskra náttúrufræðinga og Unga umhverfissinna. Málþingið tókst vel til, en þar komu fram fjórir fyrirlesarar með áhugaverð erindi og voru líflegar umræður í kjölfar þeirra.  

FHU þakkar öllum þeim sem komu að málþinginu, bæði Félagi íslenskra náttúrufræðinga og Ungum umhverfissinnum fyrir gott samstarf,  fyrirlesurum fyrir góð erindi, fundarstjóra og öllum sem mættu á málþingið í Norræna húsinu. 

Upptaka af málþinginu má nálgast hér

Hvað er heilnæmt umhverfi og hvernig mótar það daglegt líf okkar? Á þessum stutta viðburði var á einfaldan hátt fjallað um hvað heilnæmt umhverfi er og hvernig stjórnvöld tryggja réttindi almennings til heilnæms umhverfis.  Eftir kynningar frá sérfræðingum taka við umræður.

Meðfylgjandi eru tenglar á erindi: 

• Stefán Pálsson, sagnfræðingur: „Deig má ekki hnoða með fótunum“ - glefsur úr upphafssögu heilbrigðiseftirlits  
  

• Pétur Halldórsson, heilbrigðisfulltrúi: Hvað er heilnæmt umhverfi?

• Snorri Hallgrímsson, varaforseti Ungra umhverfissinna: Rétturinn til að anda ómenguðu lofti

• Kjartan Ólafsson, stjórnarmaður í heilbrigðisnefnd Suðurlands: Ríkisvæðing heilbrigðiseftirlits og hvers vegna?

• Umræður og spurningar úr sal

Fundarstjóri: Kolbrún Halldórsdóttir, formaður BHM. Félag íslenskra náttúrufræðinga, Félag heilbrigðis- og umhverfisfulltrúa og Ungir umhverfissinnar skipulögðu viðburðinn.