Málþing um heilnæmt umhverfi í þágu almennings

Málþing um heilbrigðiseftirlit á Íslandi verður haldið í Norræna húsinu þann 21. október 2025 kl. 16:30–17:30. Viðburðurinn ber yfirskriftina „Heilnæmt umhverfi í þágu almennings“ og er skipulagður af Félagi heilbrigðis- og umhverfisfulltrúa í samstarfi við FÍN.

Á dagskrá eru áhugaverð erindi sem varpa ljósi á sögu, þróun og mikilvægi heilbrigðiseftirlits á Íslandi:

• Stefán Pálsson, sagnfræðingur: „Deig má ekki hnoða með fótunum“ – glefsur úr upphafssögu heilbrigðiseftirlits
• Pétur Halldórsson, heilbrigðisfulltrúi: Hvað er heilnæmt umhverfi?
• Snorri Hallgrímsson, varaforseti Ungra umhverfissinna: Rétturinn til að anda ómenguðu lofti
• Kjartan Ólafsson, stjórnarmaður í heilbrigðisnefnd Suðurlands: Ríkisvæðing heilbrigðiseftirlits og hvers vegna?

Kolbrún Halldórsdóttir, formaður BHM, stýrir fundinum. Húsið opnar kl. 16:00 og verður boðið upp á léttar veitingar og spjall til kl. 18:00.

Viðburðinum verður streymt. Nánari upplýsingar má sjá á viðburðasíðu á Facebook.